Propozimi për liberalizimin e vizave për Kosovën, i cili parasheh lëvizjen e lirë jo më larg se data 1 janar e vitit 2024, u hoq nga agjenda e takimit të sotëm të ambasadorëve të vendeve anëtare të BE-së, raporton Radio Evropa e Lirë.

Arsyet për këtë janë politike dhe lidhen me situatën në veri të Kosovës.

“Për shkak të zhvillimeve politike në veri të Kosovës, ta kemi këtë pikë në agjendën e Coreper-it [trupi i ambasadorëve] nuk është ideale”, tha Presicenda çeke e BE-së në njoftimin për shtyrje.

Reklamë

Sipas saj, diskutimi për këtë çështje do të mbahet më 30 nëntor.

Dje është mbajtur mbledhja e Grupit Punues për Vizat në Bruksel ku në agjendë kishte diskutimin për liberalizimin e vizave të Kosovës.

Nga Presidenca Çeke kanë konfirmuar  për Gazetën Online Reporteri.net. se data e re për këtë proces është 1 janar 2024.

Në përgjigjen e tyre thuhet se “janë shumë afër një kompromisi në Këshill për çështjen e liberalizimit”.

“Jemi shumë afër një kompromisi në Këshill për çështjen e liberalizimit të vizave për Kosovën. Data me të cilën punojmë është aktualisht 1.1.2024”, u tha në përgjigjen e djeshme të Presidencës Çeke për Reporteri.net.

Reklamë

E konfirmon Presidenca Çeke: 1 janari 2024 data e re për liberalizim të vizave, jemi shumë afër kompromisit