Tre të rinj, 20, 21 dhe 23 vjeç vdiqën dje në një aksident të rëndë trafiku në magjistralen Shtime-Suharekë, konkretisht në Duhël. Aty mbet i lënduar edhe një person tjetër, i njëjti është jashtë rrezikut për jetë.
E për këtë, në Lipjan sot është ditë zie. Kryetari i kësaj komune Imri Ahmeti mori këtë vendim në shenjë solidarizimi për familjet që humbën fëmijët e tyre në këtë aksident.
Viktimave do t’u jepet nesër lamtumira e fundit.
Policia bëri të ditur se nga aksidenti tragjik në vendin e ngjarjes mbetën të vdekur: S.T viti i lindjes 1996, L.R viti i lindjes 1998 dhe V.H viti i lindjes 1999.
Ndryshe, për dy muaj e gjysmë në Kosovë në aksidente të ndryshme trafiku kanë humbur jetën 20 persona.
