Thaçi përkrah fushatën “Mbjellë një pemë”, sfidon këta persona

Në kuadër të fushatës “Mbjellë një pemë”, sot presidenti Hashim Thaçi ka mbjellë një fidan në kazermën “Adem Jashari” në Prishtinë, afër Obeliskut të Dëshmorëve, shkruan Reporteri.net.


Thaçi pas mbledhjes së fidanit, në një prononcim për media ka thënë se ka vendosur që ta mbjell në këtë kazermë si simbol i i momentit të relaksimit nën hijen e saj.

“Kam pranuar sfidën nga ish presidentja Atifete Jahjaga për të mbjell një pemë dhe kam vendosur që kësaj sfide t’i përgjigjem duke mbjell një pemë në kazermën ‘Adem Jashari’, si një simbol ku gratë dhe djemtë e FSK-së, ta shfrytëzojnë momentin e relaksimit të pushojnë nën hijen e kësaj peme. Shpresoj që të gjithë njerëzit të kenë më shumë gjelbërim”, ka thënë Thaçi.

Ai po ashtu tha se në fushatën për të mbjellë një pemë sfidon disa emra të njohur të Kosovës, si nga arti, sporti, politika etj.

“Sfidoj për të mbjell një pemë: Afrim Zabeli- pilot i FSK-së, Petrit Halilaj-artist, Behgjet Pacollin etj…”, ka thënë Thaçi.

Kujtojmë se Donjeta Gashi, ish-gazetare dhe tani këshilltare e Kryeministrit, e ka nisur sfidën “Mbjelle një peme”, të cilës i janë përgjigjur shumë persona. /Reporteri.net/.