Thaçi publikon foton e përbashkët me liderët, thotë se duhet përshpejtuar rrugëtimi për në BE

Presidenti Hashim Thaçi ka publikuar fotografinë e përbashkët me liderët e bllkanit Perëndimor, pas përfundimit të Samitit të Berlinit.


Thaçi ka thënë se duhet përshpejtuar rrugëtimin e shteteve të Ballkanit Perëndimor në Bashkimin Evropian.

“Kësaj fotografie të përbashkët duhet t’i japim përmbajtje dhe dinamikë, për të përshpejtuar rrugëtimin e shteteve të Ballkanit Perëndimor në Bashkimin Evropian. Familja evropiane është familja jonë”, ka shkruar presidenti në Facebook.

Në këtë Samit të përbashkët fokus ka qenë arritja e një marrëveshje përfundimtare Kosovë-Serbi.

Ndryshe pas takimeve të shumta që liderët e Ballkanit Perëndimor zhvilluan gjatë ditës së sotme në kuadër të Samitit të Berlinit ka nisur darka që shënon edhe mbylljen e punimeve të këtij samiti.

Fotografia e publikuar nga kjo darkë tregon se si Thaçi dhe Vuçiqi e “ndajnë mexhën”, Haradinaj në mes, kurse Rama e përforcon prezantimin shqiptar nga ana e majtë. /Reporteri.net/.