Ka dy ditë që është duke u raportuar se disenjatori i njohur shqiptar, Valdrin Sahiti u arrestua në Turqi për posedim të paautorizuar të narkotikëve.
Sipas disa raportimeve të sotme, Sahiti ndodhet në paraburgim, por më vonë doli se ky raportim është i rremë.
Reagime të njëpasnjëshme ka pasur edhe avokati i tij, Besnik Berisha por tentativa për të demantuar këto lajme, ka pasur edhe nga llogaria e Valdrin Sahitit në Instagram.
Pak më parë nga llogaria e tij ka pasur një video live nga Dubai, e ku shihet edhe Sahiti në video.
Avokati i disenjatorit, Besnik Berisha në një reagim të fundit i ka quajtur “fake news” raportimet se Sahiti ndodhet në paraburgim në Turqi.
Berisha, edhe dje për gazetën online Reporteri.net, tha se klienti i tij ka vijuar rrugën normalisht dhe ka pasur vetëm një keqkuptim me çantën të cilën e kishte harruar në aeroplan.
“Nuk është e vërtetë që ai është arrestuar e aq më pak që është paraburgosur. Përkundrazi ai ka vijuar rrugën normalisht dhe keqkuptimi lidhur me çantën e tij që e kishte harruar në aeroplan është sqaruar me autoritetet turke dhe nuk ka asnjë çështje të ngritur kundër tij në shtetin e Turqisë dhe aq më pak për posedim të paautorizuar të substancave narkotike siç është raportuar”, tha Berisha.
Ai tha se Sahiti ndodhet në Dubai ku po vazhdon agjendën e tij biznesore.
“Ai aktualisht është në Dubai ku po vazhdon agjendën e tij biznesore. Falënderojmë të gjithë për shqetësimin e shprehur, por e vërteta është më ndryshe nga ajo çfarë është raportuar”, tha Berisha për Reporteri.net. /Reporteri.net/
https://reporteri.net/show-biz/valdrin-sahiti-raportohet-se-ndodhet-ne-paraburgim-ne-turqi/