Me një vonesë prej gati 1 orë, ka nisur seanca konstituive ku do të votohet për zgjedhjen e nënkryetarit nga komuniteti serb. Në sallë janë të pranishëm 104 deputetë. Deputetët e AAK’së dhe Nismës nuk po marrin pjesë në seancë.

Kryeparlamentari Dimal Basha ka vendosur që të vazhdohet me short për zgjedhjen e nënkryetarit të Kuvendit nga komuniteti serb, ku edhe ka ngecur në gjysmë konstituimi i Kuvendit, shkruan Reporteri.net.

“Janë edhe gjashtë votime dhe tre kandidatë”, tha Basha.

Të parës i ra shorti deputetes Miljana Nikolliq. Ajo nuk mori asnjë votë për në të tri herat kur emri i saj u hodh në votim radhazi.

Votat ka dështuar t’i marrë edhe Nenad Rashiq dhe Igor Simiq./Reporteri.net