Ka nisur punën Komisioni Hetimor Parlamentar për Telekomin.
Kreu i këtij komisioni, Visar Ymeri, ka kërkuar që hetimet në Telekom të fillojnë nga viti 2009. Ai mes tjerash ka propozuar zgjatjen e punës së komisionit nga 1 në 6 muaj, propozimi i cili është miratuar me shumicën e votave të të pranishmëve.
Ymeri ka theksuar se komisioni ende nuk e ka definuar punën e tij. Ai ka kërkuar fokusimin në tri shtylla kryesore të hetimit: Kontrata të dëmshme të lidhura me palët e treta, ndikimi i politikës dhe marrja e dividentës si dhe instalimi i nepotizmit në këtë ndërmarrje.
Të enjten e kaluar kishte dështuar mbajtja e takimit të Komisionit Hetimor Parlamentar për Telekomin, pasi aty nuk u paraqitën shumica e deputetëve të pushtetit. Vetëm 5 pesë deputetë ishin të pranishëm dhe në mungese kuorumit, takimi është shtyrë për sot.
Shkumbin Demaliaj dhe Bekim Haxhiu nuk u paraqiten fare në takim dhe as që kishin njoftuar se do të mungonin, derisa Fikrim Damka dhe Milaim Zeka kanë qenë në udhëtim zyrtar. /ktv/.