Bedri Hamza i PDK-së ka reaguar pas fitores së Faton Pecit në komunën e Mitrovicës. Ai ka falënderuar qytetarët për mbështetjen e treguar ndaj kandidatit të PDK-së, Arian Tahirit, shkruan Reporteri.net.

Tutje ai thotë se PDK-ja ka dalë partia e parë me numër të votave dhe me numër të asamblistëve në Mitrovicë.

Ai gjithashtu ka uruar edhe Pecin për fitoren duke i dëshiruar suksese në shërbim në Mitrovicës.

Reagimi:

Qytetarë të dashur,
Ju falënderoj që na mbështetët dhe besuat në kandidatin tonë. Falënderoj gjithashtu secilin aktivist të PDK-së që kontribuoi në këtë fushatë të bukur dhe të respektueshme.

Edhe pse nuk e arritëm rezultatin e dëshiruar në garën për kryetar, e vlerësoj lartë ekipin për punën dhe përkushtimin e treguar. PDK-ja ka dalë partia e parë me numër të votave dhe me numër të asamblistëve në Mitrovicë.

Ndërsa, Ariani ka dëshmuar se integriteti, kultura dhe përkushtimi janë themeli i politikës së ndershme.

Z. Peci ia uroj fitoren dhe i dëshiroj suksese në shërbim të Mitrovicës dhe të qytetarëve tanë.

Ne do të vazhdojmë të punojmë me përkushtim dhe përgjegjësi për të ardhmen e Mitrovicës dhe Kosovës.