Vuçiq: Shqiptarët po tentojnë të frikësojnë serbët e veriut

Presidenti serb, Aleksandar Vuçiq u shpreh sot se prania e ushtarëve shqiptarë në veri të Kosovës, ishte akt i qëllimshëm për të provokuar dhe frikësuar popullin serb atje.


Ai shtoi se arsyeja e qartë se pse ata ishin aty është për të sjellë pasiguri mes banorëve serbë, shkruan Tanjug, transmeton Reporteri.net.

Ndërkohë KFORI gjatë ditës së djeshme demantoi raportimet e mediave serbe për trazira në veri duke shtuar se gjendja në veri, si dhe në mbarë Kosovën, është nën kontroll.

KFOR-i tha se nuk ka asnjë shenjë apo dëshmi për trazira apo dhunë të mundshme në atë pjesë.

KFOR po ashtu njoftoi se një grup oficerëve të NATO-së, të shoqëruar nga KFOR-i, po zhvillon një aktivitet zbulimi nëpër Kosovë. Ata oficerë janë nga shtetet e ndryshme të NATO-së, përfshirë Shqipërinë. Aktiviteti përfshinë vizita nëpër vende të ndryshme në Kosovë, duke përfshirë Mitrovicën dhe lokacione tjera në veri. /Reporteri.net