Presidenti i vendit Hashim Thaçi është paraqitur të premten në komisionin hetimor parlamentar për rastin e dëbimit të gjashtë shtetasve turq nga Kosova, vitin e shkuar.
Pas disa herë injorimi të këtij komisioni, presidenti Thaçi ka shkuar në komision, dhe po merret në pyetje nga deputeti i VV-së Xhelal Sveçla, që njëherit është kryetar i këtij komisioni, shkruan Reporteri.net.
Thaçi në fillim të intervistës para këtij komisioni ka thënë që mediat mund të qëndrojnë në sallë për ta përcjellë këtë komision, duke e lënë të hapur këtë seancë.
Presidenti ka kërkuar që para se të nisë intervistimi i tij të njoftohet me personat në sallë që janë dhe t’i tregohet se para kujt jep deklaratë sot.