Komisioni Qendror i Zgjedhjeve u ka bërë thirrje qytetarëve të Kosovës që jetojnë jashtë vendit të regjistrohen për pjesëmarrje në zgjedhjet e parakohshme parlamentare të 7 qershorit, pasi afati po përfundon.

Sipas KQZ-së, procesi i regjistrimit për votim jashtë Kosovës përfundon më 17 maj, ndërsa deri tani kanë aplikuar afro 100 mijë votues nga diaspora.

“Regjistrohu për votim jashtë Kosovës! Kanë mbetur vetëm edhe 2 ditë për regjistrim. Deri më tani, kanë aplikuar për regjistrim 98.957 votues nga diaspora”, thuhet në njoftimin e KQZ-së.

Zgjedhjet e parakohshme do të mbahen më 7 qershor 2026, pasi që Kuvendi dështoi ta zgjedh Presidentin e vendit.

Për 120 ulëse në Kuvend, në zgjedhjet e 7 qershorit, sipas të dhënave të KQZ-së, do të garojnë 23 subjekte politike me gjithsej 917 kandidatë./Reporteri.net/