Arsyeja prekëse pse Adam Sandler ia dedikon suksesin e filmit të ri në Netflix, Cameron-it, aktorit që vdiq 20 vjeç

Dje ka dalë në Netflix filmi me protagonist Adam Sandler “Hubie Halloween”.
Sandler ia ka dedikuar suksesin e padiskutuar të filmit aktorit Cameron Boyce, ose ndryshe djalit të tij në filmin “Grown Ups 1”, “Grown Ups 2”.

Cameron u nda nga jeta korrikun e vjetshëm si pasojë e një krize epilepsie dhe ishte vetëm 20 vjeç.

Ishte çështje ditësh që të merrte avionin për t`u nisur për xhirimet e “Hubie Halloween”, por jeta e Boyce u pre në mes.

“Ai do merrte avionin dhe do vinte për xhirime. Lajmi që na dha familja e tij ishte shumë i hidhur. Ishte një fëmijë kaq i këndshëm. Ishte shumë i lumtur në xhirimet e “Grown Ups”, ishte gazmor, të gjithë fëmijët e tjerë e donin. Ishte aktor i lindur dhe komedia që herët”, ka thënë Sandler.