×
  • Show Time
  • Show Time

    Dua Lipa për pak rrëzohet në skenë, ngatërrohet me balonin gjigant dhe balerinat detyrohet t’i vijnë ndihmë

    Reporteri
    23 Shtator 2023 | 8:31

    Këngëtarja shqiptare me famë botërore, Dua Lipa, është shumë e pëlqyer për energjinë e saj që dhuron në skenë.

    Ajo ka kënduar në shumë vende të botës, veçanërisht gjatë turneut të saj “Future Nostalgia” vitin e kaluar, ku interpretoi thuajse në të gjitha kontinentet.

    E duke pasur kaq shumë paraqitje, sigurisht që të pashmangshme nganjëherë janë edhe incidentet e vogla në skenë.

    Së fundmi, një faqe e fansave të artistes ka rikthyer në vëmendje momentin kur Dua gjatë një shfaqjeje ishte gati duke u rrëzuar.

    Bëhet fjalë për performancën e këngës “Levitating” e cila karakterizohet me balona të mëdhenj me dizajn hëne të cilat i bashkohen në skenë.

    Mirëpo në një moment kur ajo tenton ta ndalë balonin me këmbë, taka e saj ngec tek baloni dhe këngëtarja has në vështirësi për të dalë nga gjendja.

     

    View this post on Instagram

     

    A post shared by Dua Lipa Chile 🇨🇱 (@duachile)

    Ajo thuajse është gati të rrëzohet po të mos i vihen në ndihmë balerinat që ka në krah, të cilat më pas e largojnë balonin e shqyer.

    Videoja në fjalë është shpërndarë me të madhe së fundmi në rrjetin social Instagram. /Telegrafi/

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!