Reagimet në gjithë botën për ndarjen nga jeta të Tina Turner-it kanë qenë të shumta.

Zëdhënësit e Shtëpisë së Bardhë thanë se kjo ishte një humbje e madhe për muzikën dhe kulturën botërore.

Në shenjë respekti, këngët e saj kumbuan  në festivalin e Kanës. Ngushëllime kanë shprehur emra të njohur të botës së muzikës si Mik Xheger, Eros Ramazzotti, Gloria Gaynor, Diana Ross, etj.

Ngushëllime shprehu edhe Roger Davis, i cili ishte menaxheri i saj për 30 vjet, transmeton gazeta online Reporteri.net.

“Tina ishte unike. Një forcë e jashtëzakonshme e natyrës me forcën e saj, energjinë e pabesueshme dhe talentin e jashtëzakonshëm.

Që në ditën e parë që e takova, që ishte në vitet 1980, ajo besonte në veten e saj kur pakkush besonte në të. Kisha privilegjin ta njihja dhe të isha shoqe e ngushtë. Do të më mungojë shumë”, shkroi ai.

Frontmeni i Rolling Stones, Mick Jagger, i ka dhënë lamtumirën yllit Tina Turner, me të cilën ka regjistruar disa duete, madje u përfol se ata ishin në një lidhje.

“Jam shumë i trishtuar për vdekjen e shoqes sime të mrekullueshme Tina Turner. Ajo ishte me të vërtetë një këngëtare dhe interpretuese jashtëzakonisht e talentuar. Ajo ishte frymëzuese, e ngrohtë, e zgjuar dhe bujare. Ajo më ndihmoi shumë kur isha i ri dhe nuk do ta harroj kurrë”,  ka shkruar ai në Twitter.

I’m so saddened by the passing of my wonderful friend Tina Turner.
She was truly an enormously talented performer and singer. She was inspiring, warm, funny and generous. She helped me so much when I was young and I will never forget her. pic.twitter.com/TkG5VrdxXO

— Mick Jagger (@MickJagger) May 24, 2023

Angela Basset, aktorja që ka fituar një Oscar për rolin e Tina Turner në filmin “What’s Love Got to Do with It”, i ka dhënë lamtumirën këngëtares me një shkrim emocionues.

“Jam r nderuar që kam njohur Tina Turner. Jam e përulur nga fakti që pata mundësinë t’ia tregoja botës. Ndërsa vajtojmë për humbjen e zërit dhe pranisë së saj të jashtëzakonshme, le të kujtojmë se ajo na dha më shumë sesa mund të kërkonim ndonjëherë. Ajo na dha të gjithë veten e saj. Dhe Tina Turner është një dhuratë që do të jetë gjithmonë “thjesht më e mira”. Mbretëresha, tha ajo.

Nga dhuna e deri te diagnostikimi me kancer, historia e trishtë por motivuese e Tina Turner si yll botëror i muzikës