Cristina Serra, gruaja e Pep Guardiola-s, ka folur për herë të parë pas ndarjes nga trajneri i Manchester City-t dhe ka thënë se ndihet shumë mirë. Ajo u pa duke shëtitur e vetme në Barcelonë, një javë pas daljes së lajmit për ndarjen e çiftit. Cristina dukej në humor të shkëlqyer dhe duke treguar një stil të veçantë, me këpucë të bardha dhe pantallona gri, ndërsa tha për gazetarët: “Perfecta, gracias” (Mirë, faleminderit) dhe “Gjithçka është në rregull.”
Kur u pyet për spekulimet rreth shkakut të ndarjes, ajo zgjodhi të heshtte. Disa ditë pas publikimit të lajmit, u tha se ndarja kishte lidhje me vendimin e Pep Guardiola-s për të qëndruar në Manchester dhe nënshkrimin e një kontrate dyvjeçare me klubin. Cristina kishte kaluar vitet e fundit mes Barcelonës dhe Londrës, ndërsa u rikthye në Barcelonë për t’iu përkushtuar biznesit.
Në mes të spekulimeve, gazetaret Lorena Vazquez dhe Laura Fa raportuan se ndarja erdhi pas një vendimi të Guardiola-s për të qëndruar dhe nënshkruar kontratën e re, ndërsa Cristina kishte menduar se ishte koha për të mbyllur marrëdhënien që kishte zgjatur 30 vjet./A2CNN
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.