×
  • Show Time
  • Show Time

    Pulovra me delen e zezë e Princeshës Diana shitet për shumën rekord në ankand

    Reporteri
    15 Shtator 2023 | 19:20

    Një pulovër e veshur nga Lady Diana, me të famshmen “delen e zezë” u shit në ankand për shifrën rekord të 1.143 milion dollarëve.

    Pulovra e cila ishte veshur nga Diana kur nuk ishte martuar ende me princin Charles, u shit nga shtëpia e ankandeve Sotheby’s 10 herë më shumë nga parashikimet.

    Në ngjyrë të kuqe dhe e dekoruar me dhjetëra dele të bardha, në mes të bluzës është një dele e zezë, që në atë kohë për shumë ekspertë ishte një mesazh i Dianës për mënyrën sesi ajo ndihej në oborrin mbretëror.

    Bluza hyri menjëherë në histori dhe ishte një nga veshjet më të dashura për Dianën. Ajo u krijua nga stilisti Muir e Osborne dhe u vesh për herë të parë nga princesha në një ndeshje polo, kur ende ishte e fejuar me Princin Charles.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!