Trajneri i Barcelonës, Ernesto Valverde është në prag të shkarkimit nga klubi Katalanas pas turpërimit që i bëri mbrëmë Liverpooli.

Katalanasit shpërdoruan një epërsi prej 3-0 nga ndeshja e parë dhe humbën me rezultat 4-0 në Anfield në ndeshjen e dytë të gjysmëfinales, shkruan Reporteri.net

Ndeshja ngjasoi me humbjen e vitit të kaluar nga Roma në çerekfinale kur ata poashtu shpërdoruan një epërsi prej tre golave.

Në atë fakt, Valverde i shpëtoi shkarkimit për faktin se kishte fituar La Ligan dhe Kupën e Mbretit.

Por, edhe pse Barcelona ka arritur që këtë vit ta mbrojë titullin e La Ligas dhe është në finale të Kupës së Mbretit, nuk do të jetë e mjaftueshme që ta shpëtojnë Valverden nga shkarkimi.

Sipas mediave spanjolle, edhe pse Valverde vetëm sa kishte nënshkruar kontratë të re me klubin, marrëveshja nuk është e pathyeshme dhe e ardhmja e tij është shumë në dyshim./Reporteri.net/