Tottenham Hotspur është shumë i interesuar për shërbimet e Thomas Strakoshës.
Thomas Strakosha është duke kaluar një tjetër edicion të madh te Lazio dhe paraqitjet e tij të mira janë vëzhguar edhe nga skautët e Tottenhamit.
Skautët e klubit londinez ishin të pranishëm në ndeshjen Inter-Lazio [0-1] për ta vëzhguar Strakoshën, i cili pati një paraqitje fantastike.
Mauricio Pochettino nuk është i kënaqur me formën aktuale të Hugo Lloris dhe është duke shikuar mundësitë që ta sjellë në Londër portierin e Kombëtares shqiptare.
Ndryshe, për Strakoshën është raportuar më parë se ka qenë i interesuar edhe Liverpooli, por ‘Të Kuqtë’ më pas vendosën për transfermin e Alisson Becker.