Himni i Kombëtares afrikane lëshohet me ‘Aux’

Afrika e Jugut është kualifikuar në Kupën e Kombeve Afrikane, pas fitores 2-1 kundër Libisë, por së fundmi jug-afrikanët kanë fituar vëmendje për njër arsye tjetër.


Siç ndodh zakonisht gjatë ndeshjeve, edhe në këtë u intonua himni para vërshëllimës së parë.

Mirëpo, duke treguar mungesë të jashtëzakonshme profesionalizmi, zyrtari i medieve i Kombëtares së Afrikës së Jugut lëshoi himnin përmes opsionit “Aux”, duke përdorur telefonin e mençur.

“Aux” është një metodë që përdoret nga njerëzit për ta lidhur telefonin e mençur me sistemin e zërimit në vetura, shtëpi etj, trasnmeton Insporti.

Mirëpo, të përdoret në një ndeshje profesionale futbolli është vërtetë e çuditshme.Por këtu nuk përfundon storia, derisa po intonohej himni përmes “Auxit”, dikush telefonoi personin përgjegjës dhe zilja u dëgjua nga i gjithë stadiumi.

Shikoni momentin e jashtëzakonshëm në videon e mëposhtme. /Reporteri.net/.