Ja kur hapen dyert e stadiumit sot për ndeshjen Kosovë-Bullgari dhe gjërat që ndalohen brenda tij

Federata e Futbollit e Kosovës (FFK) njofton se do të ketë masa të rrepta kontrolli dhe sigurie gjatë hyrjen në stadiumin “Fadil Vokrri” për ndeshjen hapëse të Kosovës të hënën kundër Bullgarisë, në fazën kualifikuese për Kampionatin Evropian 2020.

Kosova do të debutojë në kualifikime për Kampionatin Evropian sot si vendase ndaj Bullgarisë, shkruan Reporteri.net

Ndeshja do të zhvillohet në stadiumin “Fadil Vokrri” më kryeqytet, me fillim në orën 20:45, ndërsa dyert e stadiumin për tifozët do të hapën në orën 18:00, njofton FFK.

Njoftimi i plotë i FFK-së për publikun para ndeshjes Kosovë – Bullgari:

Federata e Futbollit e Kosovës njofton opinion publik se dyert e stadiumit “Fadil Vokrri” për ndeshjen kualifikuese për Euro 2020, Kosovë – Bullgari, e cila zhvillohet, të hënën, më 25 mars, në orën 20:45, do të hapen në orën 18:00.

Ju rikujtojmë se asnjë person, përfshirë edhe fëmijët pavarësisht moshës, nuk do të lejohen të hyjnë në zonën e stadiumit pa biletë.

Në hyrjet e stadiumit si dhe brenda stadiumit do të aplikohen masa të rrepta kontrolli, prandaj luten të gjithë qytetarët që të lexojnë me kujdes rregullat e mëposhtme dhe t’i respektojnë kërkesat.

Qytetarët të cilën nuk i përfillin rregullat e sigurisë mund të jenë subjekt për ndëshkim nga organet ligjore.

Rregullat:

Dyert e stadiumit hapen në ora 18:00.
Luten qytetarët që të vijnë me kohë në stadium, duke filluar nga ora 18:00 për të shmangur tollovinë.
Nuk shiten bileta në zonën e stadiumit. Qytetarët të cilët nuk kanë biletë luten të mos vijnë në zonën e stadiumit sepse shkaktojnë tollovi. Qytetarët pa biletë do të largohen nga policia.
Nuk lejohet hyrja pa biletë. Një bilete një person. Asnjë person, pavarësisht moshës, nuk do të lejohet të hyjë në stadium pa biletë. Kjo vlen edhe për fëmijët.
Gjërat që nuk lejohen përfshijnë:
– Mjetet piroteknike

– Shishet e qelqit pavarësisht madhësisë

– Shishet e plastikës pavarësisht madhësisë

– Pijet alkoolike dhe substancat narkotike

– Ushqim i çfarëdo lloji (përveç ushqimit të fëmijëve 24 muajsh) si fara, çipsi, smoki, kikirikë, lajthi, badem, etj.

– Ombrella

– Armë zjarri ose armë të ftohta apo çfarëdo mjeti tjetër që mund të përdoret si armë

– Sende të rënda (çanta shpine, karrige të palodhshme) etj.

– Kamera profesionale dhe video kamera

– Pajisjet elektronike, mekanike ose manuale, që prodhojnë zhurmë, si megafonë, bori ose vuvuzele

– Materialet promovuese ose komerciale

– Çdo material promovues racist, ksenofobik, politik, fetar

Qytetarët njoftohen që, për arsye të sigurisë, nuk lejohet bllokimi i rrugëve të evakuimit në tribuna. Prandaj, ulja në shkallët e stadiumit është rreptësishtë e ndaluar.
Me respekt,
Federata e Futbollit e Kosovës.
/Reporteri.net/