Televizioni zviceran RTS e ka bërë një gafë duke e prezantuar futbollistin zviceran, Kevin Mbabu me flamur shqiptar
Shqiptarët e kanë një hise në Zvicër për faktin se viteve të fundit ishin pikërisht futbollistët shqiptarë ata që e kanë bajtur barrën kryesore të Helvetikëve, shkruan Express.
Andaj, Zvicra këto vite është identifikuar edhe me shqiptarë.
Por, një televizion zviceran në gjuhën franceze e ka bërë një gafë mbrëmë.
Duke e prezantuar futbollistin Kevin Mbabu, tek shiriti i emrit ky televizion e ka vendosur flamurin kombëtar shqiptar në vend të atij zviceran.
Edhe në Botërorin 2018 futbollistët shqiptarë ishin protagonistë tek Zvicra. Andaj, Shqiponja dykrenore është bërë simbol i njohur edhe në shtetin Helvetik.