Kosova për herë të parë në garën ndërkombëtare të xhudos për të verbër, përfaqësohet nga Ardian Sopa

Kosova po merr pjesë për herë të parë në IBSA Judo Grand Prix në Astana të Kazakistanit, në disiplinën e xhudos për personat e verbër, përmes sportistit Ardian Sopa.

Me këtë pjesëmarrje, flamuri i Kosovës është bërë pjesë e një prej ngjarjeve më të rëndësishme ndërkombëtare në sportin paralimpik, ka njoftuar Komiteti Paralimpik i Kosovës.

Ardian Sopa në këtë garë po shoqërohet nga trajneri i tij, Anton Cena, i cili prej kohësh është i angazhuar në përgatitjen dhe zhvillimin sportiv të xhudistit kosovar.

Pjesëmarrja e Kosovës në mesin e shteteve pjesëmarrëse konsiderohet një hap i rëndësishëm për promovimin e sportit paralimpik dhe prezantimin e vendit në arenën ndërkombëtare sportive.