Ky futbollist i ri është bërë yll botëror, shkaku se me qëllim humbi këtë penalti

Ju kurrë më parë nuk keni dëgjuar për Beknaz Almazbekov, por ai tani është bërë një yll në botën e futbollit, dhe të gjithë po e duartrokasin.


Ai është një futbollist 13 vjeçar te të rinjt e Galatasarayt, ndaj të cilit në ndeshjen kundër rivalëve të Instanbulspor u akordua një penalti nga gjyqtarja e ndeshjes.

Ndërsa, veprimi i të riut pas akordimit të penaltisë është bërë lajm në të gjitha mediat e mëdha botërore.

Edhe pse gjyqtarja e ndeshjes akordoi penalti, futbollisti i ri nuk u pajtua me vendimin pasi e dinte se nuk u rrëzua nga ndërhyrja e lojtarit kundërshtar, por nga rrëshqitja në fushë, përcjell reporteri.net.

Ai mori të ekzekutojë penaltinë, por atë e humbi qëllimisht, duke e gjuajtur jashtë portës, vendim që u duartrokit edhe nga lojtarët kundërshtarë, por edhe nga të gjithë ata që e panë këtë veprim të tij në media.

Pra, ky djalë meriton respekt, për fer play’in e treguar. /reporteri.net