Liverpool ka kaluar sprovën e fundit të vështirë në rrugën për titullin kampion.
“Reds” mposhtën Chelsean në “Anfield” me rezultat 2-0 në ndeshjen e xhiros së 34-të të Premierligës.
Golin e parë në ndeshje e shënoi Sadio Mane në minutën e 51-të pas një krosimi të shkurtër nga Henderson.
Dy minuta më vonë, Mohamed Salah shënoi golin e dytë me një super predhë nga jashtë zonës.
Klopp rezervoi disa minuta në fund edhe për Shaqirin, i cili rikthehet të luaj pas disa muajsh.
Me këtë fitore, Liverpool mban kreun e Premierligës me 85 pikë, dy më shumë se City që ka një ndeshje më pak të zhvilluar.