Liverpool ka fituar derbin ndaj Chelseat në “Anfield Road”, me rezultat 2-0 dhe ka rrëmbyer pozitën e parë me 85 pikë, ndërsa City renditet i dyti me një ndeshje më pak 83, shkruan Reporteri.net.

Pas ndeshjes, trajneri i “The Reds” Jurgen Klopp, është shprehur i lumtur me fitoren ndaj londinezëve.

“Ka qenë një ndeshje shumë e mirë dhe shumë e vështirë kundër një kundërshtari të fortë. Mendoj se dominuan në disa aspekte, ritmi ishte shumë i mirë. Kemi bërë gjithçka, pak a shumë”, tha ai.

Kurse për golin e Salah deklaroi.

“Një gol i mrekullueshëm, i jashtëzakonshëm. Ka qenë një gol i mrekullueshëm nga ana jonë”.

Kurse për luftën për titull ka pohuar:

“Duhet të provojmë t’i fitojmë të gjitha ndeshjet që kanë mbetur. Kemi shumë respekt për kundërshtarin dhe e dimë se Cardiff (kundërshtari i radhës) lufton për mbijetesën. Fitorja e sotme ishte shumë e rëndësishme”, ka deklaruar Klopp. /Reporteri.net/.