Play-off i çuditshëm në NBA: Mposhtet Oklahoma, fitojnë Rockets e Bucks

Oklahoma City Thunder është mposhtur me rezultat të ngushtë nga Portland Trail Blazers 104 – 99, në një ndeshje ku shkëlqeu i përhershmi, Damian Lillard me 30 pikë, 4 assiste e 4 kërcime.


Njëherit kjo ishte ndeshja më e fortë e fazës Play-off, pasi që deri në momentet e fundit nuk dihej për fituesin e ndeshjes, shkruan Reporteri.net

Në anën tjetër, Milwaukee Bucks shkatërruan Detroit Pistons me rezultat të thellë 121 – 86, aty ku ‘bisha’ Giannis Antetokounmpo pati fjalën kryesore me 24 pikë, 4 asiste e plot 17 kërcime.

Huston Rockets kaloi pa probleme ndaj Utah Jazz. Lideri i Rockets, James Harden pati një ndeshje fantastike edhe njëherë dhe ishte vetëm 2 kërcime larg që ta kompletonte një triple-double. Harden shënoi plot 29 pikë, 10 asiste e 8 kërcime.

Poashtu mbëmë u luajt edhe ndeshja tjetër Boston Celtics – Indiana Pacers 84 – 74, në një ndeshje ku Celtics nuk i lejuan mysafirt që të shënonin më shumë se 29 pikë për një pjesë të lojës.

/Reporteri.net/