Shikoni si Bakayoko përplaset me Gattuson

Mesfushori i Milanit, Tiemoue Bakayoko është përplasur me trajnerin Gennaro Gattuso.


Bakayoko në ndeshjen e sotme me Bolognan refuzoi të luante pas lëndimit të Lucas Biglias, ndeshje që milanezët e fituan me shifrat 2-1, shkruan Reporteri.net.

Në minutën e 25-të kur Buglia u lëndua trajneri Gattuso kërkoi nga Bakayoko të bëhej gati për lojë, por lojtari refuzoi duke u përplasur me trajnerin e duke e ofenduar, sipas “SkySport Italia”.

Ky mos dëgjim nga ana e Bakayokos ndoshta ka ardhur pasi ai nuk ishte në 11-shen e parë të ekipit që kur ishte vonuar në stërvitje.

Kujtojmë se është i huazuar nga Chelsea dhe pas këtij acarimi me trajnerin Milani vështirë se mund të shfrytëzojë opsionin për blerjen e tij.