Chelsea e ka humbur apelimin që i ka bërë vendimit të FIFA-s për t’ia ndaluar transferimet në dy herët e ardhshme që afati i transferimeve do të hapet për thyerjen e rregullave në lidhje me nënshkrimin e lojtarëve të rinj.
Tash, Chelsea do ta çojë rastin në Gjykatën e Arbitrazhit sportiv, në mënyrë që të shmang një gjë të tillë, e e cila do të ishte katastrofale për klubin.
I vetmi koncesion që ka bërë Fifa është se, gjatë kohës së ndalesës për transferime, Chelsea mund të nënshkruajë me lojtarë nën moshën 16 vjeçare.
Fifa po ashtu e ka gjobitur ekipin e Roman Abramovich me 500 mijë euro.
Kjo pritet të ketë pasoja të rënda për këtë klub, duke qenë se aktualisht nevoja për të blerë lojtarë është jashtëzakonisht e madhe – duke parë rënien drastike në vitet e fundit.