Zbulohet çfarë i tha Pique Costas pas kartonit të kuq

Mbrojtësi i Barcelonës, Gerard Pique, u përpoq ta qetësojë dhe ta largojë nga fusha Diego Costan, pasi sulmuesi i Atletico Madridit u ndëshkua me karton të kuq në Camp Nou.


Diego Costa u përjashtua pas gjysmë ore lojë në humbjen e Atletico Madridit 2:0 ndaj Barcelonës të shtunën në Camp Nou.

Sipas gjyqtarit Costa u përjashtua për shkak të ofendimeve që i bëri ndaj tij duke mos u pajtuar në një vendim të mëhershëm.

“Ta dh**s atë nënë k**vë, ta dh**s atë nënë k**vë”, i ka thënë Costa gjyqtarit, sipas raportit të Gil Manzano.

Gil Manzano shpjegon më tej në raportin e tij se protestat e Costas nuk ishin ndalur as pas kartonit të kuq.

“Pasi u përjashtua, sa ishte akoma në fushë, ai më kapi për dore në mënyrë që të mos më lejonte t’i ndëshkoja bashkëlojtarët e tij me numër 2 dhe 24 respektivisht”, thuhet në raportin e gjyqtarit.

Më vonë, Costa e quajti gjyqtarin “bir k**ve”, para se Gerard Pique t’i mbyllte gojën me dorë dhe ta largonte nga fusha duke i thënë “mos fol më! Cfarë dëshiron, pezullim me katër ndeshje?”.