Kombëtarja e Kosovës dominoi ndeshjen kundër Bullgarisë, por ishte e pafat dhe shpërdoroi shumë raste që në fund i kushtuan me barazim.

Arbër Zeneli shënoi gol të mrekullueshëm për Kosovën në minutën e 62-të.

Pas golit të Zenelit, Kosova ishte në kërim të golit të dytë, të cilin nuk e arriti edhe pse rastet ekzistuan.

Një moment aspak i këndshëm ndodhi në minutën e 90-të ku Edon Zhegrova, futbollisti më i kritikuar për ndeshjen me Danimarkën përdor fjalë jo të duhura për shokun e skuadrës, Besar Halimin.

Në minutën e 90-të Rashica kishte një rast të mirë, por topi u kthye te Zhegrova, që kërkoi të godiste vetë nga jashtë zone, dhe jo të shërbente bashkëlojtarët e tij.

Diçka e tillë e irritoi Besar Halimin, i cili iu drejtua duke i bërtitur se pse nuk pasoi te ai, kurse Zhegrova njëherë duket se i kërkoi falje, teksa më pas thotë: “Boll bre, boll mos fol palidhje”.