I dërguari special i presidentit të SHBA-së në Ukrainë, Keith Kellogg, tha se Uashingtoni ka paraqitur një plan paqeje me 22 pika për të zgjidhur luftën ruso-ukrainase dhe zbuloi thelbin e pikës së parë. Ky është një armëpushim gjithëpërfshirës.

Sipas tij, në Stamboll, Sekretari i Shtetit i SHBA-së, Marco Rubio, “e bëri të qartë” se ky është një “plan i fortë paqeje”.

“Duke dalë nga takimet e Londrës, ne (SHBA) dolëm me një plan gjithëpërfshirës me 22 pika që është një kornizë për paqen. Pika e parë është një armëpushim gjithëpërfshirës që ndalon vrasjet tani”, shkroi Kellogg.

In Istanbul @SecRubio made it clear that we have presented “a strong peace plan”. Coming out of the London meetings we (US) came up with a comprehensive 22 point plan that is a framework for peace. The first point is a comprehensive cease fire that stops the killing now @POTUS .

— Keith Kellogg (@generalkellogg) May 18, 2025

E Sekretari i Shtetit i SHBA-së, Marco Rubio, tha se presidenti Donald Trump dëshiron të takohet me presidentin rus Vladimir Putin sa më shpejt të jetë e mundur, për të çuar përpara bisedimet e paqes në Ukrainë.

Ai tha gjithashtu se Vatikani mund të bëhet një vend për bisedime paqeje midis Ukrainës dhe Rusisë. Më parë, Papa Leo XIV propozoi mbajtjen e bisedimeve të paqes midis Ukrainës dhe Rusisë në Vatikan, pasi një takim në Stamboll dështoi të bashkonte aktorët kryesorë në konflikt. /Telegrafi/