Presidenti Donald Trump njoftoi sot se së shpejti do t’i japë Charlie Kirkut Medaljen Presidenciale të Lirisë, nderi më i lartë civil që jep presidenti.

Trump tha se ceremonia për nder të aktivistit konservator të vrarë do të jetë madhështore.

“Mund t’ju garantoj vetëm një gjë: Do të ketë një turmë shumë të madhe,” tha ai.

Reklamë

Presidenti foli jashtë Pentagonit gjatë një ceremonie përkujtimore të 24-vjetorit të sulmeve terroriste të 11 shtatorit.

Ai e hapi fjalën e tij duke kujtuar Kirkun, i cili ishte një aleat i ngushtë politik dhe mik personal i shumë këshilltarëve të Trump-it.

“Charlie ishte një gjigant i gjeneratës së tij, një kampion i lirisë dhe frymëzim për miliona e miliona njerëz. Lutjet tona janë me bashkëshorten e tij të mrekullueshme, Erika, dhe me fëmijët e tij të bukur. Njerëz fantastikë,” vazhdoi ai.

“Na mungon jashtëzakonisht. Megjithatë, nuk kam asnjë dyshim se zëri i Charliet dhe guximi që ai futi në zemrat e shumë njerëzve, veçanërisht të rinjve, do të jetojë përgjithmonë,” shtoi presidenti.

/Reporteri.net/

Reklamë