Kryeparlamentari Dimal Basha ka shkruar në llogarinë e tij në Facebook lidhur me seancën e sotme, ku u zgjodh nënkryetar Nenad Rashiq. Pro Rashiqit votuan 71 deputetë, përfshirë ata të Lidhjes Demokratike të Kosovës.

Basha ka thënë se me këtë vendim, Kuvendi i Republikës së Kosovës është konstituuar plotësisht, shkruan Reporteri.net.

“Pas një periudhe të gjatë, Kryesia e Kuvendit është tashmë e kompletuar në përbërje të plotë, ashtu siç parashihet me Kushtetutën e Republikës së Kosovës dhe Rregulloren e Kuvendit”, ka shkruar Basha.

Reklamë

Ai ka falenderuar deputetët që votuan pro Rashiq.

“Falënderoj të gjithë deputetët e Kuvendit të Kosovës që me votat e tyre mundësuan konstituimin e plotë të Kuvendit në legjislaturën e IX-të”, thuhet në postim.

Seanca e sotme nisi me propozimet e Listës Serbe. Asnjë nga nëntë deputetët që propozoi kjo parti, nuk arriti të marrë votat e nevojshme.

Pastaj Basha e vazhdoi procedurën me short dhe e hodhi në votim emrin e Rashiqit.

Reklamë

Në sallë ishin 105 deputetë./Reporteri.net