Ndeshja ‘Finalissima’ midis Spanjës dhe Argjentinës në Doha është në dyshim pasi Shoqata e Futbollit të Katarit pezulloi turnetë për një kohë të pacaktuar pas sulmeve të SHBA-së dhe Izraelit ndaj Iranit dhe raketave hakmarrëse të qëlluara në Gadishullin Arabik.
Ndeshja midis fitueses së Kampionatit Evropian, Spanjës dhe kampiones së Kupës së Amerikës, Argjentinës, ishte planifikuar për 27 mars në stadiumin Lusail të Dohas, me emra të mëdhenj të mundshëm si Lamine Yamal dhe Lionel Messi .
“Shoqata e Futbollit të Katarit njofton shtyrjen e të gjitha turneve, garave dhe ndeshjeve, duke filluar nga sot dhe deri në njoftim të mëtejshëm”, tha shoqata në një deklaratë të dielën.
“Datat e reja për rifillimin e garave do të njoftohen në kohën e duhur përmes kanaleve zyrtare të Shoqatës.”
Vendimi përfundimtar nëse do të shtyhet ndeshja i takon organizatorëve të ngjarjes, UEFA-s dhe CONMEBOL-it.
