Shumë fotoreporterë nuk e konsiderojnë veten artistë. Megjithatë, edhe në rrethana të tilla, shumë prej tyre mund të kapin skena fantastike dhe të gjejnë disa gjurmë të njerëzimit në një mjedis të egër dhe çnjerëzor.

Historia e fotografive të luftës daton që në Luftën e Parë Botërore, por Lufta Civile Spanjolle e viteve 1930 ngjalli përfundimisht dëshirën e mediave për të informuar lexuesit në detaje rreth luftës, transmeton Reporteri.net.

Roli kryesor i fotoreporterëve të luftës është të raportojnë para botës për tmerret e luftës dhe paralajmërojnë njerëzimin se konfliktet e armatosura nuk zgjidhin probleme por vetëm shkaktojnë dhimbje dhe vuajtje.

Fotografia e realizuar në 28 shkurt 1991 nga Kenneth Jarecke në Irak ishte vërtet e veçantë. Një ushtar irakian vdiq në dhimbje të forta. Ai u përpoq të dilte nga një kamion ushtarak përmes një xhami të copëtuar, pasi një zjarr përfshiu automjetin.

Atë ditë, Kenneth Jarecke u ndal para burrit të djegur dhe i shkrepi atij një fotografi, vetëm disa sekonda para se ai të vdiste. A kishte ai emër, ai ishte në ushtrinë e Saddam Huseinit,  ose mbase ai ishte thjesht një i ri i zakonshëm nga rrugët e Bagdadit, i rekrutuar dhe i detyruar në luftë.

Jarecke e bëri foton pak para se lufta të mbaronte zyrtarisht me Operacionin Stuhia e Shkretëtirës. Aksioni u drejtua nga forcat e SHBA-së. Megjithatë mediat amerikane refuzuan ta botojnë. /Reporteri.net