Yjet e kombëtares turke arrijnë në “Fadil Vokrri”, e testojnë fushën

Kombëtarja turke ka arritur në Prishtinë, pas aterimit në Aeroportin “Adem Jashari”.

Turqia menjëherë nga aeroporti vendosi të shkojë në stadiumin “Fadil Vokrri”.

Yjet e kombëtares turke e testuan fushën e stadiumit, para përballjes së nesërme.

Pas testimit të fushës, në konferencë për shtyp u paraqitën Vincenzo Montella, trajneri dhe kapiteni i kombëtares, Hakan Çalhanoglu.

Në arritjen e turqve në fushën e “Fadil Vokrrit”, të pranishëm ishin shumë gazetarë dhe disa shikues.

Ndeshja Kosovë – Turqi luhet nesër, më 31 mars, në kuadër të finales së “play-offit”, për kualifikim në Botërorin e 2026-ës.