Presidenti i SHBA-së, Donald Trump, dhe Presidentja e Komisionit Evropian, Ursula von der Leyen, zhvilluan një bisedë telefonike mes përshkallëzimit të tensioneve tregtare midis Washingtonit dhe Brukselit.

Gjatë bisedës, presidenti amerikan pohoi se i dha Bashkimit Evropian një afat deri më 4 korrik për të përmbushur detyrimet sipas marrëveshjes tregtare, përndryshe tarifat e SHBA-së kundër BE-së do të rriten në nivele shumë më të larta.

“Pata një telefonatë të shkëlqyer me Presidentin e Komisionit Evropian. Diskutuam shumë tema, përfshirë faktin se jemi absolutisht të bashkuar në bindjen tonë se Irani nuk duhet të ketë kurrë armë bërthamore”, tha ndër të tjera Trump.