Ndeshjet hapëse të Kupës së Botës 2026 kanë qenë të gjitha për yjet më të mëdhenj të botës që shkëlqejnë në skenën më të madhe të futbollit, me një përjashtim të dukshëm zhgënjyes — Cristiano Ronaldo.
Të martën, Kylian Mbappe shënoi dy gola në fitoren e Francës ndaj Senegalit. Erling Haaland gjithashtu realizoi dy gola në fitoren e Norvegjisë kundër Irakut. Më pas erdhi një paraqitje ikonike e Lionel Messit, i cili shënoi hat-trick ndaj Algjerisë dhe u bë golashënuesi më i mirë në historinë e Kupës së Botës, në kuotë të barabartë me Miroslav Klosen.
Të mërkurën, të gjithë sytë ishin te kundërshtari i brezit të Messit, portugezi Cristiano Ronaldo, për të parë se si do të reagonte. Pritshmëria e përgjithshme ishte që ai do të bënte gjithçka për t’u barazuar me rivalët dhe bashkëmoshatarët e tij.
Megjithatë, kjo nuk ndodhi. Ronaldo u duk i izoluar teksa Portugalia barazoi në mënyrë befasuese 1-1 me Republikën Demokratike të Kongos.
Ai kaloi pjesën më të madhe të kohës duke pritur në zonën e penalltisë, ndërsa Portugalia qarkullonte topin rreth tij pa ndonjë qëllim apo ambicie të qartë. Pavarësisht se kishte 75% të posedimit të topit kundrejt 25%, Portugalia pati më pak tentativa drejt portës sesa RD Kongo. Dhe kontributi më i rëndësishëm i Ronaldos ishte marrja e rasteve nga bashkëlojtarët e tij dhe dërgimi i tyre jashtë kuadratit.
Në emisionin Thierry Henry kritikoi ashpër portugezin, duke thënë se dëshira e Ronaldos për të shënuar vetë po e dëmton Portugalinë.
“Ekipi duhet të shënojë, jo ti,” tha Henry, duke përmbledhur situatën. Ai theksoi një rast konkret ku Ronaldo i mori një mundësi të artë Bruno Fernandesit në pjesën e dytë, për të provuar vetë një goditje të vështirë që përfundoi jashtë portës.
“Sepse ai dëshiron të shënojë, futet në trajektoren e Bruno Fernandesit. Nëse do të hynte në zonën prej gjashtë jardësh, do të duhej ta ndiqnit. Atëherë do të ishte një gol i lehtë për Bruno Fernandesin. Por për shkak se ai dëshiron të shënojë, futet në rrugën e pasimit mbrapa. Ju i shihni të dy lojtarët dhe është më e lehtë të mbroheni. Dhe kjo është çështja ime: ekipi duhet të shënojë, jo ti,” shtoi Henry.
Portugalia mbetet një nga favoritët kryesorë për të fituar Kupën e Botës dhe ende ka ndoshta skuadrën më të thellë në turne.
