Kryeministri izraelit, Benjamin Netanyahu nuk ka bërë deklarata publike që nga momenti kur SHBA dhe Irani nënshkruan një Memorandum Mirëkuptimi për ndalimin e luftës mbrëmjen e kaluar.

Kryeministri izraelit është dukur i distancuar nga marrëveshja, duke i thënë televizionit izraelit të hënën se Donald Trump po udhëheq negociatat.

“Kam shprehur pikëpamjet e mia në biseda të ndryshme,” tha Netanyahu, në komente të raportuara nga Fox News. “Siç kam thënë, shpesh pajtohemi dhe shpesh nuk pajtohemi. Kjo ndodh në familjet më të mira.”

Izraeli nuk ka qenë drejtpërdrejt i përfshirë në bisedimet e paqes, por Trump deklaroi gjatë një konference për shtyp të mërkurën para nënshkrimit se i kishte dërguar Izraelit një kopje të tekstit përfundimtar.

Ndërkohë, raportimet tregojnë se negociata “të vështira” po vazhdojnë mes SHBA-së dhe Izraelit lidhur me Libanin, pavarësisht se memorandumi parashikon ndërprerjen e operacioneve ushtarake në vend.

Po ashtu, deklaratat e anëtarëve të partisë Likud të Netanyahut dhe të ministrave të ekstremit të djathtë në koalicionin e tij qeverisës tregojnë presionin me të cilin ai përballet.

“Marrëveshja e Trump nuk na detyron,” shkroi në rrjetet sociale ministri i sigurisë kombëtare i Izraelit, Itamar Ben-Gvir. “Ne nuk jemi palë në këtë marrëveshje që nuk garanton sigurinë tonë”, shtoi ai. /Reporteri.net/