Tre tërmete të forta goditën pjesë të ndryshme të botës në të njëjtën ditë – Japoninë (6.9 sipas shkallës Rihter), Venezuelën (7.5 dhe 7.2) dhe shtetin amerikan të Kalifornisë (5.6).

Lind një pyetje logjike, shkruan CNN, a ka ndonjë lidhje midis tyre?

Përgjigja e shkurtër është – jo, thotë sizmologia nga Instituti i Teknologjisë i Kalifornisë (Caltech) Dr. Lucy Jones.

Tërmetet ndodhën në sisteme të ndryshme dhe kufij pllakash tektonike, që do të thotë se asnjëra nuk shkaktoi tjetrën. Sipas Dr. Jones, tërmetet e mëdha që ndodhin mijëra kilometra larg në përgjithësi nuk rrisin mundësinë e një tërmeti tjetër të madh që ndodh së shpejti diku tjetër në planet.

Edhe pse pothuajse njëkohësia e tyre mund të duket e pazakontë, është kryesisht çështje rastësie. Por vendet ku ndodhën nuk janë të rastësishme – të tre tërmetet goditën zona të vendosura përgjatë kufijve të njohur aktivë të pllakave tektonike, ku tensioni në koren e Tokës grumbullohet gjatë dekadave, madje edhe shekujve.

Kjo është arsyeja pse tërmetet e forta në këto rajone janë një pjesë e pritshme e ciklit gjeologjik natyror, megjithëse shkencëtarët ende nuk mund të parashikojnë me siguri saktësisht se kur do të ndodhë tërmeti i ardhshëm i madh./Reporteri.net/