Një person ka vdekur mëngjesin e sotëm pasi u godit nga treni në Pejë.
Lajmin e ka konfirmuar zëdhënësi i Policisë së Kosovës për rajonin e Pejës, Fadil Gashi, i cili tha se rasti është raportuar rreth orës 05:35.
“Rreth orës 05:35 policia është njoftuar se treni, i cili ishte nisur nga qyteti i Pejës, e ka goditur një person. Policia ka dalë në vendin e ngjarjes së bashku me autoambulancën, ndërsa mjeku ka konstatuar vdekjen e viktimës në vendin e ngjarjes. Në vendngjarje ndodhen njësitë kompetente policore dhe prokurori i shtetit”, deklaroi Gashi.
Reklamë
Rrethanat në të cilat ka ndodhur aksidenti janë duke u hetuar nga organet kompetente./Reporteri.net/.
