Kreu i LDK-së, Lumir Abdixhiku ka paralajmëruar se mungesa e një marrëveshjeje politike mund ta çojë vendin drejt zgjedhjeve të reja.

Ai tha se pikërisht për këtë arsye LDK-ja po merr pjesë në bisedime.

“Në qoftë se s’bëjmë asgjë, e vetmja gjë e garantuar do të jenë zgjedhjet e reja. Dhe besoj që kjo s’është as lajm i mirë për popullin e Kosovës, as lajm i mirë as për partitë politike”, deklaroi Abdixhiku.

Ai shtoi se LDK-ja do të vazhdojë përpjekjet për të gjetur një zgjidhje politike.

“Do të përpiqemi të japim më të mirën, të vetëdijshëm për interesin e vendit dhe për politikat që i përfaqësojmë si LDK”, tha ai./ Reporteri.net/