Çështja e presidentit i ka bërë edhe sot bashkë, kryetarin e Vetëvendosjes dhe kryeministrin në detyrë, Albin Kurti me kryetarin e LDK-së, Lumir Abdixhiku.

Gazeta online Reporteri.net merr vesh se Kurti e Abdixhiku janë aktualisht në një takim në Kuvendin e Kosovës që ka nisur pas pas orës 12:00.

Ky takim vjen pas atij të së shtunës mbrëma, kur Kurti, kryeministër në detyrë, dhe Abdixhiku, u takuan në përpjekje për ta arritur një marrëveshje për zgjedhjen e presidentit të ri të vendit, që do t’i jepte fund krizës pothuajse dyvjeçare institucionale.

Kurti pas takimit të së shtunës me Abdixhikun u tha gazetarëve: “Kur të kemi rezultate, do të kemi lajme për ju”.