Kryeministri i Izraelit, Benjamin Netanyahu, ka kritikuar ashpër kryetarin e New Yorkut, Zohran Mamdani, para udhëtimit të tij në Shtetet e Bashkuara, ku pritet të marrë pjesë në punimet e Asamblesë së Përgjithshme të Kombeve të Bashkuara.

Netanyahu e akuzoi Mamdanin për mbështetje ndaj Hamasit dhe tha se gjatë fjalimit të tij në OKB do të flasë për ushtarët izraelitë dhe për qëndrimet e kryetarit të New Yorkut.

“Turp për ty, zoti Mamdani. Turp për ty që mbështet përbindëshat e Hamasit, të cilët vranë njerëzit tanë. Unë po shkoj në OKB. Do të tregoj të vërtetën për ushtarët tanë heroikë dhe do të tregoj të vërtetën për ty”, tha Netanyahu.

Mamdani, ndërkohë, e ka kritikuar vazhdimisht kryeministrin izraelit. Në një intervistë për CNN, ai e ka quajtur Netanyahun “kriminel lufte” dhe “arkitektin e gjenocidit të tmerrshëm ndaj popullit palestinez”.

Ai gjithashtu ka deklaruar se urdhërarresti i lëshuar nga Gjykata Penale Ndërkombëtare ndaj Netanyahut duhet të zbatohet.

Përplasja verbale mes dy politikanëve vjen në një kohë kur lufta në Gaza dhe veprimet e qeverisë izraelite vazhdojnë të jenë ndër çështjet kryesore në diskutimet ndërkombëtare.

ממדאני – אני בא לאו״ם כדי להילחם על האמת של החיילים הגיבורים שלנו – וכדי לחשוף את האמת עליך! https://t.co/141PPbSFHm

— Benjamin Netanyahu – בנימין נתניהו (@netanyahu) September 22, 2026