Pesë punëtorë humbën jetën pas shembjes së një miniere në Turqi. Ngjarja u regjistrua në Soma, provinca Manisa. Sipas Agjencisë së Menaxhimit të Fatkeqësive dhe Emergjencave, AFAD, gjithsej shtatë minatorë u nxorën nga miniera, dy prej të cilëve gjallë.

Njëri prej të mbijetuarve është ende në spital, ndërsa i dyti është liruar nga spitali. Prefektura e Manisës kishte njoftuar më parë identifikimin e tre të vdekurve dhe përfundimin e hetimeve, përpara se AFAD të njoftonte numrin përfundimtar të pesë viktimave:

Pas shembjes, u krijua një qendër për menaxhimin e krizave nën koordinimin e autoriteteve të prefekturës së Manisës, të cilat njoftuan mobilizimin e menjëhershëm të shërbimeve kompetente.

Ngushëllime shprehën Kryetari i Parlamentit turk Numan Kurtulmus, ministrat dhe përfaqësuesit e presidencës dhe partisë në pushtet. Ministrja e Familjes Mahinur Ozdemir Goktas tha se ekipet e mbështetjes psikosociale janë në minierë dhe në spital, pranë punëtorëve dhe familjeve të tyre.