Jude Bellinghami ka kaluar dy javët e fundit si futbollisti për të cilin është folur më së shumti në Angli, ndërsa lavdërimet për të nuk kanë të ndalur.
Paraqitja e jashtëzakonshme në Ligën e Kombeve, një sërë rekordesh dhe fitimi për herë të dytë radhazi i çmimit “Lojtari i Vitit” nuk kanë kaluar pa u vënë re nga mediat sportive angleze.
Tani, edhe një nga zërat më të respektuar të futbollit anglez i është bashkuar listës gjithnjë e më të gjatë të atyre që besojnë te potenciali i tij.
I pyetur nëse Bellinghami mund të bëhet një nga futbollistët më të mëdhenj të të gjitha kohërave, legjenda e Anglisë, Gary Lineker, nuk la vend për dyshime.
Legjenda e futbollit anglez e përkrah yllin e Realit: Mund të bëhet më i miri i të gjita kohërave
Jude Bellinghami ka kaluar dy javët e fundit si futbollisti për të cilin është folur më së shumti në Angli, ndërsa lavdërimet për të nuk kanë të ndalur.
Paraqitja e jashtëzakonshme në Ligën e Kombeve, një sërë rekordesh dhe fitimi për herë të dytë radhazi i çmimit “Lojtari i Vitit” nuk kanë kaluar pa u vënë re nga mediat sportive angleze.
Tani, edhe një nga zërat më të respektuar të futbollit anglez i është bashkuar listës gjithnjë e më të gjatë të atyre që besojnë te potenciali i tij.
I pyetur nëse Bellinghami mund të bëhet një nga futbollistët më të mëdhenj të të gjitha kohërave, legjenda e Anglisë, Gary Lineker, nuk la vend për dyshime.
“Po, këtë po e them prej kohësh. Nëse i shmang lëndimet serioze ose devijimet nga rruga e duhur, gjë që jam i sigurt se nuk do t’i ndodhin, atëherë po. Ai është jashtëzakonisht i mirë në futboll, i ka të gjitha cilësitë. Është një superyll dhe sillet si një superyll”, tha ai, siç raporton “Track Radio”.
Ky vlerësim vjen në mes të një vale më të gjerë lavdërimesh gjatë ditëve të fundit.
Roy Keane e parashikoi se Bellinghami mund të bëhet një nga futbollistët më të mëdhenj të të gjitha kohërave pas fitores dërrmuese ndaj Kroacisë, ndërsa edhe Ian Wright dhe Micah Richards ishin ndër emrat e tjerë që nxituan ta lavdëronin.
Lavdërimet për Bellinghamin vijnë pas një periudhe të jashtëzakonshme me kombëtaren.
Në ndeshjen kundër Kroacisë, Bellinghami shënoi një gol dhe asistoi në tri të tjera në fitoren 7-0, duke u bërë futbollisti i parë i Anglisë që përfshihet drejtpërdrejt në katër gola në një ndeshje të vetme që nga David Platt në vitin 1993.
Ai e përfundoi këtë periudhë të ndeshjeve ndërkombëtare me një gol dhe katër asistime, ndërsa u shpall lojtari më i mirë i xhiros nga UEFA.
Forma e shkëlqyer me kombëtaren është bartur edhe në “Santiago Bernabeu”, ku ai është përshtatur me rolin e lirë si numër 10 nën drejtimin e Jose Mourinhos dhe aktualisht është njëri prej lojtarëve me më së shumti asistime te klubi madrilen.
Bellinghami ishte pjesë e Real Madridit edhe në fitoren e fundit 1-0 ndaj Villarrealit, ndërsa ishte i pafat që nuk regjistroi një asistim, pasi goli i Vinicius Juniorit u anulua.
Anglezi do të synojë të lërë sërish gjurmë kur Real Madridi të përballet me Romën këtë të mërkurë.
