Ky është parashikimi i motit për javën e ardhshme

Moti gjatë pesë ditëve të ardhshme në Kosovë do të jetë kryesisht me diell dhe vranësira të pjesshme.

Të hënën, në disa zona, vranësirat vende-vende mund të sjellin riga shiu, ndërsa të martën e të mërkurën do të paraqiten kushtet për mjegull në orët e para të ditës, ka njoftuar Instituti Hidrometeorologjik i Kosovës.

“Temperaturat minimale do të lëvizin ndërmjet 0-7 gradë celsius, ndërsa maksimalet e ditës parashihen të lëvizin ndërmjet 10-15 gradë Celsius”.

“Do të fryjë erë nga verilindja dhe veriperëndimi me shpejtësi 1-5m/s”, ka njoftuar IHMK.