Policia Rajonale e Ferizajt ka bërë të ditur se gjatë 24 orëve të fundit në këtë rajon janë raportuar katër aksidente trafiku, prej të cilave tri me persona të lënduar dhe një me dëme materiale.
Sipas komunikatës së Policisë, si pasojë e tri aksidenteve me lëndime, pesë persona kanë pësuar lëndime.
Gjatë së njëjtës periudhë, njësitet policore kanë shqiptuar gjithsej 225 gjoba për kundërvajtje në trafik.
Reklamë
Policia Rajonale e Ferizajt ka apeluar te të gjithë pjesëmarrësit në komunikacion që të respektojnë rregullat e trafikut dhe të tregojnë kujdes të shtuar gjatë ngasjes.
Kjo me qëllim të parandalimit të aksidenteve dhe rritjes së sigurisë në rrugë.
