Fric von Vajczeker, 59 vjeç, djali i ish presidentit gjerman Richard von Vajczeker, u vra sot në një klinikë private në Berlin, shkruajnë mediat e huaja, transmeton Reporteri.net.

Vajczeker po mbante një ligjëratë kur, pas 55 minutash, një burrë rreth 57 vjeçar u hodh nga publiku dhe e goditi disa herë me thikë.

Tani për tani nuk dihet se cili është motivi i sulmit, por supozohet se sulmuesi kishte probleme psiqike. Policia kontrolloi edhe banesën e tij, por asgjë e dyshimtë nuk u gjet. Më vonë gjatë ditës, ai do të merret për një vlerësim psikiatrik, pas çka do të merret një vendim kujdestarie.

Menjëherë pas sulmit, të pranishmit nxituan të ndihmojnë Vajczeker, por ishte e kotë.

Kolegët e doktor Vajczeker ishin në shok të plotë dhe tek të pranishmit u krijua panik i madh.

Përndryshe, Vajczeker ka qenë shefi kryesor mjekësor i Departamentit të Mjekësisë së Brendshme në klinikën private Shlospark, në të cilën u vra që nga viti 2005.

Spitali zhvillon leksione të rregullta për njerëzit që nuk kanë asnjë lidhje me mjekësinë dhe që duan të mësojnë për sëmundjet, diagnozën dhe terapinë.

Babai i tij, Richard von Vajczeker, shërbeu si kryetar i Berlinit nga 1981 deri në 1984 dhe pastaj president i Gjermanisë nga 1984 deri në 1994. /Reporteri.net

https://www.youtube.com/watch?v=h6MxcG0ZWn4