Në kopshtin zoologjik Krefeld në Gjermani, një zjarr i dhunshëm shpërtheu menjëherë pas mesnatës, duke vrarë të paktën 30 kafshë.

Kafshët që u dogjën në flakë ishin kryesisht gorilla, orangutanë, shimpanze dhe majmunë të ndryshëm, por dhe lakuriqë dhe zogj.

Sipas policisë, disa fenerë fluturues (të bërë nga letra dhe me flakë të vogla brenda) u hodhën në qiell me rastin e Vitit të Ri dhe përfunduan në vendet ku mbaheshin kafshët.

Kopshti zoologjik në Krefeld, një qytet disa kilometra në veri të Duesseldorf , dhe në afërsi të kufirit holandez, u hap në vitin 1975 dhe çdo vit vizitohet nga 400 mijë njerëz.